Беларусь зноў падвышае экспартныя мыты на нафту і нафтапрадукты

Мыты чарговым разам будуць падвышаныя ўжо з 1 сакавіка.

Беларусь з 1 сакавіка 2017 года падвышае экспартныя мыты на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза (ЕАЭС), паведамляе interfax.by.

Адпаведная пастанова змяшчаецца ў дакуменце савета міністраў Беларусі N160 ад 25 лютага.

Так, стаўка экспартнай мыты на сырую нафту будзе падвышаная з $89,5 да $91 за 1 тону. Мыта на прамагонны бензін вырасце з $49,2 да $50 за 1 тону, на таварныя бензіны - з $26,8 да $27,3 за 1 тону.

Мыта на лёгкія, сярэднія дыстыляты складзе $27,3 за 1 тону (была $26,8). Такая ж мыта ўстаноўленая ў дачыненні да дызельнага паліва, бензолу, талуолу, ксілолу, змазачных і іншых аліваў.

У папярэдні раз стаўкі вывазных мытных падаткаў у дачыненні да сырой нафты і асобных катэгорый тавараў, выпрацаваных з нафты, мяняліся 1 лютага 2017 года.