У Пентагоне распрацавалі план хуткага нанясення паразы ІДІЛ

Праект можа ўключаць нарошчванне вайсковага кантынгенту на Блізкім Усходзе.

Міністэрства абароны ЗША ў адпаведнасці з указаннем прэзідэнта Дональда Трампа падала Беламу дому праект новага плана барацьбы супраць ІДІЛ (тэрарыстычная арганізацыя, забароненая ў Расеі) у Сірыі і Іраку, паведаміў прадстаўнік Пентагона Джэф Дэвіс, паведамляе www.interfax.by.

Як паведамлялася, неўзабаве пасля ўступлення ў пасаду прэзідэнт даручыў Пентагону ў 30-дзённы тэрмін распрацаваць канкрэтны план барацьбы з тэрарыстамі ў Сірыі і Іраку з упорам на паскарэнне працэсу іх поўнага знішчэння.

Як паінфармаваў. Д. Дэвіс, праект новага плана быў прадстаўлены міністрам абароны Джымам Мэтцісам Беламу дому, ён прадугледжвае «хуткае нанясенне паразы ІДІЛ».

«Мы маем намер працягнуць дыялог з вайсковым кіраўніцтвам для ўдасканалення і развіцця плана», - адзначыў прадстаўнік ведамства.

Назіральнікі лічаць, што праект плана можа ўключаць у сябе прапановы па нарошчванню вайсковага кантынгенту ЗША на Блізкім Усходзе.

Раней, характарызуючы пагрозу з боку тэрарыстычных арганізацый, старшыня Камітэта начальнікаў штабоў УС ЗША Джозэф Данфорд заявіў:

«Гэта не толькі Сірыя і Ірак, гэта трансрэгіянальная пагроза. У гэтым канкрэтным выпадку мы гаворым пра ІДІЛ, але ж існуюць яшчэ і «Аль-Каіда», іншыя групоўкі, якія нясуць трансрэгіянальную пагрозу».

Генерал адзначыў, што ўзброеную барацьбу з тэрарыстамі неабходна спалучаць з дыпламатычнымі намаганнямі.