Шуневіч: Міліцыянты неахайныя і выраз твару не адпавядае

Міністр застаўся незадаволены знешнім выглядам сваіх падначаленых.

Пра гэта міністр унутраных спраў Беларусі Ігар Шуневіч заявіў, адказваючы на пытанне карэспандэнта БелТА.

- Ці задавальняе вас знешні выгляд супрацоўнікаў міліцыі? Ці адпавядае ён сучасным патрабаванням? Ці плануюцца нейкія змены ў форме?

- Усю форму мы ўжо змянілі. Форма добрая, ноская, адаптаваная, я лічу, сучасная, вытрымала ўсе кантрольныя носкі, у тым ліку ў экстрэмальных умовах. Змены формы найбліжэйшым часам не плануецца. Што тычыцца знешняга выгляду міліцыянтаў, магу сказаць, што ён мяне не зусім задавальняе. Ва ўсякім выпадку, я хацеў бы бачыць на вуліцах нашых гарадоў міліцыянтаў больш падцягнутых, спартыўных, больш дагледжаных і каб не толькі форма, стрыжка, пастава, але яшчэ і выраз твару адпавядалі.