Рассельгаснагляд зноў забракаваў беларускую ялавічыну

Установа забараніла ўвоз 16 тон ялавічыны з Беларусі з нечытэльнымі клеймамі.

Рассельгаснагляд забараніў увоз у РФ больш за 16 тон беларускай астуджанай ялавічыны з нечытэльнымі ветэрынарнымі клеймамі, паведамляе interfax.by.

Груз астуджанай ялавічыны вытворчасці ААТ «Ваўкавыскі мясакамбінат» накіроўваўся ў Ніжагародскую вобласць і суправаджаўся ветэрынарнымі сертыфікатамі, выдадзенымі Дзяржаўнай ветэрынарнай службай Беларусі 27 лютага.

«Пры правядзенні ветэрынарнага кантролю на частцы прадукцыі выяўленыя нечытэльныя адбіткі ветэрынарных клеймаў», - адзначае ўстанова.

Як раней паведамляў сайт Charter97.org, дзевяць беларускіх прадпрыемстваў трапілі пад узмоцнены кантроль Рассельгаснагляду.