Ужо з'явіліся прэтэндэнты на прэмію «Кніга года»

Беларускі ПЭН-цэнтр апублікаваў спіс з 48 кніг.

Беларускі ПЭН-цэнтр паведаміў, што на сайце «Кнігі года» апублікаваны спіс з 48 кніг, якія былі вылучаныя на прэмію, а таксама спіс сяброў журы, якія галасуюць за найлепшую кнігу, піша novychas.by.

Сёлета ў рабоце журы ўзялі ўдзел 81 чалавек.

Канчатковы вынік з'явіцца 10 сакавіка а 19 гадзіне на сайце kniha.by. Пераможца атрымае прыз сумай 1000 еўраў. Прэмія прысуджаецца за найлепшую кнігу, выдадзеную ў 2016 годзе, незалежна ад жанру.

Прэмія «Кнігa года» заснаваная Беларускім ПЭН-цэнтрам у 2015 годзе. Яе ўручаюць самі пісьменнікі за найлепшую кнігу, напісаную беларусам ці ў Беларусі. Папярэднія пераможцы: Альгерд Бахарэвіч з кнігай «Дзеці Аліндаркі», Антон Рудак c кнігай «Верхні горад», Вольга Гапеева з кнігай «Сумны суп» і Людміла Рублеўская з кнігай «Авантуры студыёзуса Вырвіча», Андрэй Хaдановіч з кнігай «Нататкі таткі».