Кошт Brent пачаў зніжацца
4- 28.02.2017, 19:31
- 25,461
Кошт нафты знізіўся на таргах ў аўторак, бо рост здабычы ў ЗША нівеляваў зніжэнне вытворчасці сыравіны ў рамках пакта OPEC+.
Да 19:20 паводле менскага часу ф'ючэрсы на нафту Brent апусціліся на 0,20 адсоткаў да $55,75 за барэль.
Выкананне OPEC пагаднення аб скарачэнні здабычы было рэкордна высокім у студзені, і ў наступныя месяцы ў нафтакартеля ёсць усе шанцы палепшыць гэты паказчык, улічваючы, што Ірак і ААЭ паабяцалі паскорыць зніжэнне вытворчасці сыравіны, паведамляе Reuters.
Аб сур'ёзнасці намераў OPEC кажа і пастанова Ірака знізіць экспарт нафты з радовішча Кіркук. Хоць OPEC казала, што засяродзіцца на скарачэнні здабычы сыравіны, бо нафта Кіркука застаецца ўнутры Ірака, а не сыходзіць на экспарт, дапаможа знізіць лішак прапановы на рынку Міжземнамор'я.
Чальцы Арганізацыі краін-нафтаэкспарцёраў (OPEC) дамовіліся аб скарачэнні здабычы прыкладна на 1,2 мільёны барэляў за дзень у першым паўгоддзі 2017 года. Адзінаццаць дзяржаў, якія не ўваходзяць у нафтакартэль, уключаючы Расею, абавязаліся знізіць вытворчасць сумарна на 600 000 барэляў за дзень.
У той жа час захаванне вытворцамі глабальнага пакта балансуецца ростам свідравой актыўнасці і здабычы сланцавай нафты ў ЗША.
За тыдзень, што закончыўся 17 лютага, здабыча нафты ў ЗША ўпершыню з красавіка 2016 года – перавысіла адзнаку 9 мільёнаў барэляў за дзень, дзякуючы таму, што энэргетычныя кампаніі прадаўжаюць разведку новых рэсурсаў.
На думку аналітыкаў нарвежскай кансалтынгавай кампаніі Rystad Energy, сярэдні кошт нафты блізу $35 за барэль з'яўляецца бясстратным для здабытчыкаў сланцаў у ЗША.
Амерыканскія свідроўшчыкі, у сваю чаргу, павялічылі колькасць буравых установак на 5 адзінак да 602 за тыдзень, што закончыўся 24 лютага, паказалі звесткі нафтасэрвіснай кампаніі Baker Hughes. Гэта самы высокі паказчык з кастрычніка 2015 года.
Кошт нафты прадаўжае вагацца ў вузкім калідоры. Большасць аналітыкаў і эканамістаў прагназуюць, што ф'ючэрсы на Brent будуць у сярэднім прадавацца блізу 57,52 за барэль у 2017 годзе.