У ЕЗ папярэдне дамовіліся пра скасаванне віз для ўкраінцаў
4- 28.02.2017, 21:51
- 5,873
У чацвер гэтую пастанову яшчэ мусіць зацвердзіць камітэт сталых прадстаўнікоў пры Радзе ЕЗ.
Сёння ў ЕЗ паспяхова пачаліся трохбаковыя перамовы паміж Еўрапарламентам, Радай ЕЗ, Еўракамісіяй праекту заканадаўчай рэзалюцыі аб скасаванні візавых патрабаванняў для ўкраінцаў. Пра гэта паведамляе «Укрінформ».
Гаворка ідзе аб уключэнні Украіны ў спіс трэціх краін, грамадзянам якіх касуюцца візавыя патрабаванні для кароткатэрміновых падарожжаў у краінах ЕЗ.
«Рада ЕЗ і Еўрапарламент дасягнулі папярэдніх дамоўленасцяў аб візавай лібералізацыі для Украіны», - заявілі ў Мальтыйскім прадстаўніцтве ў Радзе ЕЗ.
У чацвер гэтую пастанову яшчэ мусіць зацвердзіць камітэт сталых прадстаўнікоў пры Радзе ЕЗ.
Далей, паводле працэдуры, заканадаўчую рэзалюцыю аб бязвізавым рэжыме для Украіны павінен ухваліць Еўрапарламент і канчаткова зацвердзіць Рада ЕЗ.
27 лютага Рада ЕЗ зацвердзіла пастанову аб скасаванні візавых патрабаванняў для грамадзян Грузіі, якая ўвойдзе ў дзеянне да канца сакавіка. Адначасова з пастановай аб Грузіі міністры краін-чальцоў ЕЗ таксама ўхвалілі новы механізм прыпынення бязвізавых рэжымаў для ўсіх трэціх краін.