У Дзяржынску кандуктар высадзіў 10-гадовую школьніцу на ўскраіне горада

Кандуктар высадзіў Яну за тое, што ў дзяўчынкі не было з сабой даведкі пра вучобу ў школе.

У Дзяржынску кандуктар высадзіў сямігадовую школьніцу з аўтобуса, таму што ў дзяўчынкі не было даведкі пра вучобу. Яна вярталася ад цёткі дадому, ехала з аднаго канца горада ў іншы на аўтобусе №1, піша tut.by.

Інцыдэнт адбыўся ў нядзелю, а 16.20. Маршрут аўтобуса кругавы, праходзіць па ўскраіне Дзяржынска — менавіта там і высадзілі дзяўчыну. Яна не разумела, у які бок ёй ісці, разгубілася і расплакалася. Спытаць, дзе яна знаходзіцца, не было ў каго, дзяўчынка патэлефанавала маме, якая чакала яе на прыпынку каля дома, і тая паехала ёй насустрач.

— Дачка забылася ў той дзень даведку, але ж нельга праз гэта высаджваць дзіця ў чыстым полі! — абураецца мама Яны Ілона. — У той дзень ішоў снег, калі я дабралася да Яны, яна была ўся змерзлая і мокрая. Я прасіла яе, каб даведацца ў мінакоў, дзе яна, а яна мне адказала: «Мама, тут нікога няма».

На думку Ілоны, высаджваць дзіцяці нельга, бо на дарозе можа здарыцца што заўгодна.

— Сёння дачцэ на танцы, і яна пяць разоў, я не перабольшваю, перапытала, ці не высадзяць яе, і запытала, ці можа, ёй узяць з сабой грошы і купіць талон. Дачка напалохана. Хіба гэта нармальна? — кажа Ілона.

Мама Яны на наступны ж дзень напісала заяву ў парк №15 ААТ «Мінаблаўтатранс». Дырэктар парка Сяргей Пятліцкі, з ейных слоў, адразу ж папрасіў прабачэння за інцыдэнт.

— Ён сказаў, што гэта не першы выпадак, і ў студзені ўжо высадзілі дзіця. І сярод работнікаў была праведзена тлумачальная гутарка аб тым, што дзяцей нельга высаджваць з транспарту. Але, мабыць, гэта было сказана мякка, бо даслоўна праз месяц усё паўтарылася. Таму я напісала заяву і ў гарвыканкам.

— Сапраўды, я даваў кандуктарам распараджэнне не высаджваць дзяцей. Усякае бывае, ну забыўся даведку, але нельга высаджваць. Зараз я папрасіў усіх работнікаў напісаць тлумачальныя. У чацвер мы збяром сход і запросім на яго маму з дзяўчынкай, каб яна апазнала кандуктара. Калі мы высветлім дакладна, хто гэта зрабіў, да яго будзе ўжытае дысцыплінарнае спагнанне і абвесцяць вымову, — сказаў Сяргей Пятліцкі.

Дырэктар пацвердзіў, што такі выпадак у парку быў у студзені, але там былі «іншыя абставіны».