The Guardian: Палата лордаў прыме папраўку, праз якую Brexit будзе адкладзены
3- 1.03.2017, 15:53
- 27,778
Партыя лейбарыстаў прапанавала на разгляд верхняй палаты парламента папраўку аб выхадцах з іншых краін ЕЗ у Брытаніі.
Палата лордаў хутчэй за ўсё падтрымае папраўку лейбарыстаў да законапраекта аб запуску Brexit у забеспячэнні правоў грамадзян ЕЗ, якія пражываюць у Злучаным Каралеўстве.
Пра гэта паведамляе The Guardian (пераклад - eurointegration.com.ua).
У сваёй папраўцы лейбарысты заклікалі разглядаць грамадзян ЕЗ і іх сямейнікаў пасля выхаду Брытаніі з Еўразвязу гэтак жа, як і да гэтага.
Калі чальцы Палаты лордаў падтрымаюць папраўку, законапраект трэба будзе вярнуць для далейшых дэбатаў у Палаце абшчын, што патэнцыйна можа затрымаць праходжанне закона.
Прыняцце законапраекта такім чынам можа быць адкладзенае як мінімум на тыдзень.
Кіраўніца МУС Вялікай Брытаніі Эмбер Рад накіравала чальцам Палаты лордаў ліст, у якім заклікала іх не галасаваць за папраўку, заяўляючы, што да грамадзян ЕЗ у Брытаніі будуць ставіцца з усёй павагай.
Як вядома, урад Брытаніі мае намер запусціць працэдуру выхаду краіны з ЕЗ да канца гэтага месяца.