У Беларусі даражэюць паслугі пошты
22- 21.03.2017, 8:21
- 10,788
Павышэнне тарыфаў закране як фірмы, так і простых грамадзян.
У Беларусі змяняюцца тарыфы на некаторыя паслугі паштовай сувязі. Пра гэта гаворыцца ў пастанове МАРГ ад 10 сакавіка №19, якая апублікаваная на нацыянальным прававым інтэрнэт-партале.
Павышаюцца фіксаваныя тарыфы на паслугі паштовай сувязі агульнага карыстання для фізічных асоб. Кошт перасылкі па Беларусі ліста або бандэролі вагай да 20 грам, паштовай карткі вырасце з 0,36 да 0,42 рубля.
Для ІП і юрыдычных асоб таксама вырастуць тарыфы на перасылку ўнутраных простых адпраўленняў пісьмовай карэспандэнцыі. Кошт перасылкі па Беларусі ліста або бандэролі вагай да 20 грам, паштовай карткі вырасце з 0,3 да 0,35 рубля.
Пастанова ўваходзіць у дзеянне праз 5 дзён пасля ягонага афіцыйнага апублікавання.