Рэктар акадэміі мастацтваў папрасіў прабачэння за свае словы пра менскія графіці

Міхаіл Баразна прынёс прабачэнні за сваё адназначнае выказванне ў інтэрв'ю.

Учора сайт Charter97.org апублікаваў вытрымку з інтэрв'ю агенцтва «Минск-Новости» з рэктарам Беларускай дзяржаўнай акадэміі мастацтваў Міхаілам Баразном, дзе ён крытычна выказаўся пра сталічныя графіці. Сёння ж у рэдакцыю tut.by прыйшоў ліст за яго подпісам, у якім ён прынёс прабачэнні чытачам. Публікуем гэты дакумент цалкам:

«Глыбокапаважаныя чытачы!

Хачу прынесці прабачэнні за сваё адназначнае выказванне ў інтэрв'ю. Ні ў якім выпадку не меў жадання абразіць нікога, тым больш мастакоў. Апублікаваны ў публікацыі роспіс лічу адным з найлепшых у горадзе. Сам там часта бываю з сябрамі і знаёмымі. Графіці ў Менску неабходна ствараць у разы больш. Як далей развіваць гэтае дзіўнае і прывабнае мастацтва — хай вырашае грамадскасць, эксперты, у тым ліку студэнты і выпускнікі творчых ВНУ.

Яшчэ раз прашу мяне прабачыць за няправільнае па форме выказванне. Дзякую ўсіх за ўсе вашыя выказванні, у тым ліку і самыя жорсткія. Застаюся непрымірымым да самадзейнай размалёўкі ў выглядзе лясных пейзажаў, зафарбаваных камянёў і інш».

Міхаіл Баразна пацвердзіў сапраўднасць гэтага дакумента.