Мікалай Дзядок у лякарні з чэрапна-мазгавой траўмай
16- 26.03.2017, 12:32
- 15,509
Былы палітвязень быў затрыманы падчас акцыі 25 сакавіка і дастаўлены з чэрапна-мазгавой траўмай у лякарню хуткай дапамогі.
Як паведаміў «Радыё Свабода» бацька актывіста Аляксандр Дзядок, аб стане сына яму пакуль нічога невядома. Ён збіраецца ехаць у лякарню хуткай дапамогі.
«Мікалай быў затрыманы падчас акцыі 25 сакавіка ў Менску і дастаўлены ў Партызанскі РУУС. Потым яго адвезлі ў турму на Акрэсціна. Адтуль ён кудысьці знік. Мне сказалі, што яго забралі з турмы, але не сказалі куды. Пасля патэлефанавалі з лякарні і сказалі, што ён у хірургічным аддзяленні. У сына чэрапна-мазгавая траўма, яго суправаджаюць супрацоўнікі міліцыі», - сказаў Аляксандр Дзядок.