Дзясяткі пінчукоў выйшлі на плошчу
8- 26.03.2017, 13:50
- 22,989
Жыхары горада адсвяткавалi Дзень Волi.
У Пінску, а 12 гадзіне, на цэнтральнай плошчы Леніна пачалі збірацца гараджане на заклік да салідарнасці з затрыманымі падчас Дня волі ў Менску. Прыблізна да 60 чалавек на тым жа месцы, што і на акцыі, якая адбылася ў горадзе 11-га сакавіка, паведамляе «Радыё Рацыя».
Да натоўпу падышлі супрацоўнікі міліцыі, як бы ўзялі ў кола і прапанавалі або разысціся, альбо прайсці ў Пінскі гарадскі выканаўчы камітэт, каб пагутарыць з нагоды працаўладкавання або іншых хвалюючых пытанняў. Людзі былі не задаволеныя такімі прапановамі. Праваахоўнікі паспрабавалі затрымаць удзельніка, які фатаграфаваў, але не атрымалася.
Людзі выказвалі салідарнасць з Менскам, з усімі затрыманымі. Асуджалі дзеянні міліцыі. Пазней на плошчу прыехалі два аўтазакі АМАПу.
Папярэдне вядома, што ўсё ж аднаго ўдзельніка міліцыя затрымала. Невядомая сітуацыя яшчэ з некалькімі людзьмі.