Сіноптыкі: Заўтра чакаецца да +15 градусаў
- 26.03.2017, 14:28
- 25,269
Уначы на значнай частцы тэрыторыі краіны прагназуюцца ападкі, у асноўным дождж.
У Беларусі 27 сакавіка будзе пераменная воблачнасць, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя.
Уначы на значнай частцы тэрыторыі, удзень у Віцебскай і Магілёўскай вобласці прагназуюцца невялікія кароткачасовыя ападкі, у асноўным дождж. Вецер паўночна-заходні, парывісты, уначы на паўночным усходзе, раніцай і ўдзень на большай частцы тэрыторыі моцны парывісты (парывамі да 15-18 м/с).
Тэмпература паветра ўначы складзе ад мінус 1 да плюс 4 градусаў. Удзень будзе 6-11 градусаў цяпла, у паўднёва-заходніх раёнах - плюс 12-15 градусаў.