Анджэй Дуда: Ацэнка дзеянняў Лукашэнкі адназначная – крытычная
9- 26.03.2017, 17:12
- 52,282
Прэзідэнт Польшчы пракаментаваў сітуацыю ў Беларусі.
Прэзідэнт Польшчы Анджэй Дуда ў цяперашні час знаходзіцца з візітам у Славеніі, паведамляе партал wpolityce.pl (пераклад Charter97.org).
Журналісты задалі прэзідэнту Польшчы пытанне пра сітуацыю ў Беларусі, Анджэй Дуда выразна пазначыў сваю пазіцыю:
«З вялікім расчараваннем я ўспрыняў інфармацыю пра тое, што Лукашэнка робіць у дачыненні да апазіцыі. Я спадзяваўся, што Лукашэнка змяняе сваю палітыку – прынамсі так здавалася. Была надзея на тое, што Беларусь і Лукашэнка хочуць наблізіць узаемаадносіны паміж урадам і апазіцыяй да эўрапейскіх стандартаў. На жаль, улады выбралі зусім супрацьлеглы кірунак. Наша ацэнка адназначная, і яна крытычная».