Святлана Калінкіна: Апазіцыя цяпер – увесь народ
16- 26.03.2017, 17:31
- 73,712
Цяпер улада проста не ведае, дзе шукаць апазіцыю.
Публіцыстка Святлана Калінкіна заявіла, што пасля падзей на Дні Волі – 2017 у Менску яна адчувае надзею. Калі параўнаць учорашнія кадры з тым, што адбывалася ў 2010 годзе, цяпер народ не баіцца, кажа журналістка ў інтэрв'ю «Белсату».
«Ні ўскрыку жаху. Людзі наадварот неяк спакойна ўспрымаюць тое, што яны павінны прайсці».
На пытанне вядоўцы, ці быў учора зроблены новы крок да новай беларускай гісторыі, кіраўніца менскай рэдакцыі «Белсата» адказала:
«Спадзяюся, што гэта сапраўды так. Спадзяюся, што, як сказаў Някляеў, гэта сапраўды пайшло ў народ, гэта сышло з апазіцыйнай праслойкі. Цяпер улада проста не ведае, дзе шукаць апазіцыю. Бо апазіцыя – яна не ў партыях, не ў грамадскіх аб'яднаннях – а апазіцыя паўсюль».
Нават калі яны будуць не скарачаць міліцыю, а павялічваць.
Тое, што людзі не хочуць Майдана, паводле словаў Калінкінай, сведчыць, што ў нас «нармальная краіна, у ёй ёсць розныя людзі, розныя погляды».
«На самай справе ніхто не хоча Майдана. І цяпер вельмі важна разумець, што людзі, якія выходзілі на акцыі пратэсту і ў Менску, і ў іншых рэгіёнах – яны якраз за гэта і выходзілі: каб не было Майдана».