Кіроўца таксоўкі чакала гадзіну, каб даведацца пра лёс Статкевіча
6- 27.03.2017, 16:46
- 10,094
Жанчына прывезла журналіста на прэс-канферэнцыю з палітыкам і засталася чакаць каля дома.
Аб гэтай займальнай гісторыі распавёў у сябе ў «Фэйсбуку» журналіст Алесь Пілецкі:
«Пра тое, што Статкевіч дома, я даведаўся блізу 9 гадзін ад рэдактара, калі ехаў на працу ў метро. Датэлефанавацца да Марыны Адамовіч удалося не адразу, толькі з рэдакцыі. Выклікаў таксоўку, прыехала кіроўца-жанчына»:
- Вы па працы кудысьці едзеце? Тут працуеце дзесьці?
- Так, тут. На «Еўрарадыё».
- А, журналіст. Цяпер такія падзеі ў краіне адбываюцца. Але вам нельга пра іх распавядаць.
- Нам можна. Мы ўсё ўжо расказваем.
- І пра тое, што Статкевіч знік, можаце таксама расказаць? Што яго выкралі і зусім невядома, што з ім здарылася?
- Можам. Вы мяне цяпер да яго як раз везяце. Знайшоўся Статкевіч. Раніцай прыехаў дадому да жонкі.
- Да Статкевіча??? Вы не жартуеце?
- Не. Я еду запісаць аповед пра ягоныя прыгоды.
- Слухайце, а давайце я вас пачакаю каля яго дома, можна? Вы як толькі пагаворыце, сядайце да мяне і назад паедзем у цэнтр. Распаведзяце, як ён.
- Добра.
Таксоўка чакала мяне амаль гадзіну)