Павел Севярынец: Гасподзь вынес прысуд рэжыму
6- 28.03.2017, 10:03
- 23,650
Акцыі пратэстаў аб'ядналі беларусаў і не пакінулі Лукашэнку ніякіх шанцаў.
27 сакавіка ў дзень вызвалення з ізалятара адзін з лідараў БХД Павал Севярынец выступіў перад аршанцамі, паведамляе «Радыё Рацыя».
Павал Севярынец сказаў: «Усе гэтыя акцыі павінны выліцца ў салідарнасць беларусаў. Салідарнасць - гэта тое, чаго баіцца ўлада. Народ прыняў лозунг «Жыве Беларусь»! Гасподзь вынес прысуд гэтаму рэжыму!»
27 сакавіка Паўла Севярынца ў Воршы вывезлі з ізалятара на вакзал, адкуль Павал патэлефанаваў маці, якая сустракала яго ля ізалятара на Энгельса. Маці і актывісты паехалі за Паўлам Севярынцам.
А 17.00 на Чырвонаармейскай, 13 адбылася запланаваная прэзентацыя дзвюх кніг Паўла Севярынца аб гісторыі хрысціянскай дэмакратыі.
Павел Севярынец быў затрыманы ў Воршы 12 сакавіка за ўдзел у Маршы недармаедаў і асуджаны на 15 дзён адміністрацыйнага арышту.