У дыктатара зусім скончыліся грошы на міліцыю?
120- 6.03.2017, 8:24
- 35,634
Шуневіч заявіў пра тры этапы «аптымізацыі» колькасці МУС.
Аптымізацыя МУС Беларусі пройдзе ў некалькі этапаў, што прадугледжвае перагляд ўсіх функцый міністэрства, паведаміў кіраўнік ведамства Ігар Шуневіч у інтэрв'ю тэлеканалу АНТ у нядзелю, паведамляе interfax.by.
«Сама аптымізацыя прадугледжвае як мінімум два этапы, можа быць, нават тры – я ў першую чаргу кажу пра час», - сказаў Ігар Шуневіч.
Ён назваў аптымізацыю ў міністэрстве ўнутраных спраў «спланаваным эвалюцыйным працэсам».
З ягоных слоў, яна будзе грунтавацца на высновах камісіі Савета бяспекі. «Асноўную канцэпцыю, асноўныя вектары гэтай аптымізацыі кіраўнік дзяржавы ўхваліў, мы прыступілі да яе рэалізацыі», - адзначыў Шуневіч.
Як удакладніў міністр, плануецца, між іншым, перагляд штатнай колькасці ўсіх падраздзяленняў МУС, і ўсіх функцый, якія яно выконвае. «Усе рудыментальнае, усё лішняе, усё залішняе, мы скасуем», - сказаў міністр.
Ён таксама паведаміў, што ў структуры міністэрства плануецца стварыць аддзел рэформаў і развіцця, які будзе займацца практычнай рэалізацыяй задумы, пазначанай у дакладной Савета бяспекі.