На мяжы з Літвой стаіць больш за паўтысячы грузавікоў

Чэргі таксама назіраюцца на польскай і латвійскай межах.

Больш за паўтысячы грузавых фур стаіць на літоўскай мяжы на выезд з Беларусі. Паводле стану на 14.00, толькі ў Каменным логу было 230 машын, а яшчэ 10 грузавікоў чакалі на выездзе з Літвы. Таксама на выездзе з Беларусі стаіць 100 легкавых аўтамабіляў. Гэта вынікае з аператыўнай інфармацыі Дзяржаўнага памежнага камітэта, паведамляе «Еўрарадыё».

У Катлоўцы на выездзе стаіць 50 легкавікоў і 90 грузавікоў, на ўездзе чакаюць 10 фур. У Лошы - 25 легкавікоў. У Беняконях - 96 грузавікоў, у Прывалцы - 140 грузавікоў.

Чэргі ёсць і на латвійскай мяжы: у Грыгороўшчыне на выездзе - 75 грузавікоў, у Урбанах - 20 легкавых машын і 65 грузавікоў, а таксама 15 фур на ўездзе ў Беларусь.

На польскай мяжы істотная чарга на ўездзе - па 100 грузавікоў у Брузгах і Бераставіцы.

У Брузгах на выездзе стаяць 38 фур, у Бераставіцы - 50 легкавых машын і 40 грузавікоў.

На ўкраінскай мяжы чэргаў няма.