Актывісты заклікалі да салідарнасці з Дзмітрыем Паліенкам
4- 10.05.2017, 12:27
- 16,922
Цяпер трэба змагацца за вызваленне ўсіх палітвязняў у Беларусі.
Моладзевая актывістка Марына Насенка сфатаграфавалася на фоне турмы на вуліцы Валадарскага ў Менску з плакатам «Сёння саджаюць маіх сяброў – заўтра пасадзяць вашых». Аб значэнні акцыі салідарнасці з палітвязнямі яна напісала ў «Фэйсбуку».
«А сёння за кратамі знаходзіцца мой сябар, палітвязень, Дзмітрый Паліенка.
Акрамя яго, яшчэ шмат хто пакутуе за свае прынцыпы і погляды ў засценках. Пакуль яны там - мы ўсе закладнікі рэжыму.
Што мы можам зрабіць? Самае простае – даслаць ім лісты з словамі падтрымкі.
Паліенка Дзмітрый Аляксандравіч (паводле справы «крытычнай масы», 1,5 гады пазбаўлення волі), вул. Сікорскага 1, ІК-2, г. Бабруйск 213800».
Нагадаем, што 7 красавіка ўдзельнікі акцыі веласіпедыстаў «Крытычная маса» Дзмітрыя Паліенку асудзілі на два гады турмы.