Рассельгаснагляд знайшоў у беларускай малочнай прадукцыі лекі ад венерычных захворванняў

Данкверт паведаміў аб новых прэтэнзіях да беларускага малака.

У малочнай прадукцыі беларускіх прадпрыемстваў былі выяўленыя рэшткі антыбіётыкаў для лячэння сіфілісу і іншых венерычных захворванняў. Пра гэта заявіў журналістам кіраўнік Рассельгаснагляду Сяргей Данкверт у кулуарах публічных слуханняў вынікаў праваўжывальнай практыкі Рассельгаснагляду, піша rns.online.

«У беларускіх калег мы знайшлі тое, чым лечаць непасрэдна сіфіліс, усе венерычныя захворванні. А ведаеце чаму? Таму што ў кароў таксама хламідыёз, таму яны проста сінтэтычныя (антыбіётыкі. - RNS) ужываюць, таму хутка», - сказаў Данкверт.

Раней Рассельгаснагляд неаднаразова паведамляў пра выяўленне слядоў антыбіётыкаў у малочнай прадукцыі. Напрыклад, з 19 траўня ўстанова праз паўторнае выяўленне слядоў антыбіётыкаў увяло часовыя абмежаванні на пастаўкі сухога малака, сыру і масла з шэрагу прадпрыемстваў. Абмежаванні закранулі прадпрыемствы ААТ «Бабулін гладыш», ААТ «Кобрынскі масларобна-сыраробны завод», ААТ «Маладзечанскі малочны камбінат», ААТ «Малочная кампанія» Навагрудскія дары», ААТ «Пружанскі малочны камбінат», ААТ «Слуцкі сыраробны камбінат» і яго Любанскі філіял.