З манумента Леніну зрабілі помнік бураку

У Мікалаеўскай вобласці Украіны творча падышлі да пытання дэкамунізацыі.

У Мікалаеўскай вобласці на пастаменце, дзе раней стаяла скульптура Леніна, усталявалі 29 траўня помнік цукроваму бураку, паведамляе lenta.ru.

Пад выявай караняплода захаваўся надпіс «Нішто не спыніць ідэю, час якой надышоў». Гэта другі помнік гэтай культуры на Украіне, першы маецца ў Кіеве, у Інстытуце цукровых буракоў Нацыянальнай акадэміі навук.

У той жа дзень у Кіеве з галавы помніка Леніну, які стаяў на Бесарабскай плошчы ўкраінскай сталіцы, зрабілі скульптуру павука. Фатаграфію новага мастацкага аб'екта апублікавала ў сацыяльнай сетцы журналістка Ірына Рамалійская.

Помнікі Леніну на Украіне дэмантуюцца ў рамках выканання закона аб дэкамунізацыі, які дзейнічае ў краіне з 2015 года. Нарматыўным актам «забараняецца савецкая сімволіка, асуджаецца камуністычны рэжым, адкрываюцца архівы савецкіх спецслужбаў».