Беларускі рубель зноў здаў да даляра

На валютных таргах 30 траўня амерыканская валюта і расейскі рубель падаражэлі.

Пра гэта паведамляе сайт Беларускай валютна-фондавай біржы.

Падчас таргоў курс еўра знізіўся на 0,0048 рубля (0,23%) да 2,0767 рубля.

Курс даляра вырас на 0,0017 рубля (0,09%) і склаў 1,8642 рубля.

Курс расейскага рубля (за 100 адзінак) вырас на 0,0129 рубля (0,39%) і склаў 3,2988 беларускага рубля за 100 расейскіх.

Нагадаем, учора беларускі рубель здаў да даляра на першых таргах тыдня.