Лукашэнка: У Беларусі па IТ-тэхналогіях будзе выбух
55- 28.06.2017, 10:27
- 20,292
Дыктатар анансаваў «кардынальныя меры» ў развіцці IT-індустрыі.
У Беларусі ў найбліжэйшай будучыні прымуць «кардынальныя меры» ў развіцці IT-індустрыі.
Пра гэта Лукашэнка паведаміў падчас адкрыцця Беларуска-в'етнамскага бізнэс-форуму, паведамляе БелТА.
«У найбліжэйшай будучыні, літаральна гэтым летам, нашай дзяржавай будуць прыняты кардынальныя меры па развіцці IT-індустрыі», - сказаў беларускі кіраўнік.
Лукашэнка таксама адзначыў, што беларуска-в'етнамскае супрацоўніцтва ў галіне інфармацыйна-камунікацыйных і высокіх тэхналогій «набірае абароты» і з'яўляецца «вельмі перспектыўным».
Гаворка ідзе пра «прарыўны» дэкрэт, значна мяняючы ўмовы працы ІТ-кампаній, у першую чаргу - прадуктовых.
«З айцішнікаў нядаўна сустракаўся. Паглядзіце: у Беларусі па ІТ-тэхналогіях будзе выбух. Мы прайшлі першы этап, калі да нас прыязджалі, заказвалі ўсякія забаўкі і мы на кагосьці працавалі», - казаў дыктатар вясной.
Згаданая сустрэча з айцішнікамі адбылася 13 сакавіка. Тады, наведваючы кампанію Віктара Пракапені, Лукашэнка падтрымаў канцэпцыю стварэння ў Беларусі ІТ-краіны. Курыруе праект прызначаны пасля гэтага візіту новы кіраўнік ПВТ Усевалад Янчэўскі.