У Літве затрымалі цягнік «Беларуськалія» з буйной кантрабандай цыгарэт
18- 29.06.2017, 11:59
- 27,894
Агульны кошт кантрабанды - €124 тысячы.
Амаль 50 тысяч пачкаў беларускіх цыгарэт «Fest» знайшлі ў адным з 63 вагонаў з угнаеннямі, піша «Белсат».
Кантрабандысты схавалі тытунёвыя вырабы ў скрынкі і абматалі ў поліэтыленавую плёнку. Аб знаходцы паведаміла Служба аховы дзяржаўнай мяжы Літвы. Агульны кошт кантрабанды - 124 тысячы еўра.
Цягнік «Беларуськалія» ішоў у порт Клайпеды для разгрузкі ўгнаенняў, якія павінны былі паставіць у Венесуэлу. Літоўскія праваахоўнікі мяркуюць, што кантрабанда прызначалася для літоўскага рынку, а выгрузіць цыгарэты збіраліся на шляху ў Клайпеду.
Пачалося следства паводле факта незаконнага перамяшчэння праз мяжу безакцызных тавараў. Зараз цыгарэты захоўваюцца ў памежнай службе Літвы.