Куды беларусы могуць паехаць без візы?

Апублікаваны поўны спіс краін.

Думаеш, спіс бязвізавых краін для беларусаў абмяжоўваецца Украінай, Грузіяй, Расеяй, Казахстанам і Арменіяй? А як наконт маляўнічай Македоніі, выдатнай Панамы або экзатычнага В'етнама? Выяўляецца, без візы беларусы могуць аб'ехаць вялікую частку нашай планеты. І больш не кажы, што сядзіш дома, бо няма Шэнгена, піша сайт 34travel.

Паводле рэйтынгу Passport Index, Беларусь займае 60-е месца ў спісе ўплывовых пашпартоў свету. А менавіта колькасць краін для бязвізавага ўезду ўладальніка пашпарта і з'яўляецца асноўным крытэрыем для складання рэйтынгу. З аднаго боку - ёсць куды імкнуцца, з другога - ёсць і куды з'ездзіць. Дарэчы, экспэрты ўлічваюць тут і краіны, у якія можна лёгка атрымаць візы па прыбыцці ў аэрапорце.

Перад паездкай у адну з бязвізавых краін абавязкова зайдзі на афіцыйную старонку пасольства дзяржавы і вывучы консульскую інфармацыю. Розныя краіны могуць вылучаць дадатковыя ўмовы для бязвізавага ўезду або атрымання візы па прыбыцці. Да прыкладу, мець пэўныя патрабаванні да пашпарта, запытаць зваротны квіток або турыстычны ваўчар, папрасіць пацвердзіць наяўнасць сродкаў на банкаўскай карце. Акрамя таго, часта бязвіз «спрацоўвае» пры прылёце ў пэўны міжнародны аэрапорт краіны. А праз некаторыя наземныя пасты цябе могуць і не прапусціць. Не залянуйся даведацца пра ўсё гэта загадзя.

На ўсялякі выпадак, можаш зазірнуць і на сайт МЗС Беларусі, дзе ёсць такая-сякая інфармацыя аб бязвізавых рухах, а таксама вісіць спіс бязвізавых краін.