Беларускія «палатачнікі» пакрыўдзіліся на рэзалюцыю ПАРЕ
20- 29.06.2017, 17:45
- 20,269
Беларускія ўлады просяць Захад «не вучыць іх жыццю».
У беларускім «парламенце» назвалі шэраг раздзелаў рэзалюцыі Парламенцкай асамблеі Рады Еўропы (ПАРЕ) «Сітуацыя ў Беларусі», падрыхтаванай спецдакладчыкам італійскім дэпутатам Андрэа Рыгоні, «поўнымі неапраўданым павучэннем і крытыцызмам». Пра гэта гаворыцца ў заяве на афіцыйным сайце ніжняй «палаты».
«Адзначаючы пэўныя станоўчыя тэндэнцыі ў развіцці супрацоўніцтва Беларусі з ПАРЕ, вымушаныя канстатаваць, што шэраг раздзелаў дакладу будуецца на састарэлых падыходах і ілжывых догмах, мае шмат неапраўданага павучэння і крытыцызму, уключаючы пытанні, якія не належаць да кампетэнцыі ПАРЕ», - гаворыцца ў каментары камісіі ў міжнародных справах «палаты прадстаўнікоў» «нацыянальнага сходу» Беларусі.
«Мы не прымаем беспадстаўныя абвінавачванні і пацвярджаем гатоўнасць да адкрытага канструктыўнага дыялогу з Парламенцкай асамблеяй Рады Еўропы на прынцыпах раўнапраўя і ўзаемнай павагі», - адзначаецца ў заяве беларускіх «дэпутатаў».
Нагадаем, 27 чэрвеня ПАРЕ прыняла рэзалюцыю, у якой заклікала беларускія ўлады скасаваць смяротнае пакаранне і прыпыніць будаўніцтва Беларускай АЭС.
28 чэрвеня ў МЗС Беларусі адзначылі, што «не ўважаюць за аб'ектыўныя» шэраг раздзелаў дакладу.