Што ў Беларусі зменіцца з 1 ліпеня

З наступнага месяца ўводзіцца шэраг змяненняў у тарыфах на электраэнэргію і цэнніках.

Прадукцыя СМІ будзе маркіравацца знакамі ўзроставай катэгорыі

Уваходзяць у дзеянне папраўкі ў законы «Аб сродках масавай інфармацыі» і «Аб выдавецкай справе ў Рэспубліцы Беларусь» у пытаннях «абароны дзяцей ад інфармацыі», якая можа нанесці шкоду іх здароўю і развіццю.

Інфармацыйнай прадукцыі будуць прысвойвацца такія знакі ўзроставай катэгорыі, як «0+» - без узроставых абмежаванняў (універсальная); «6+» - прызначана для асоб, якія дасягнулі 6 гадоў; «12+» - для асоб, якія дасягнулі 12 гадоў; «16+» - для асоб, якія дасягнулі 16 гадоў; «18 +» - для асоб, якія дасягнулі 18 гадоў, паведамляе БелТА.

Каэфіцыенты індэксацыі тарыфаў на электраэнэргію будуць зніжаны

Уваходзіць у дзеянне пастанова Міністэрства антыманапольнага рэгулявання і гандлю ад 19 траўня №26.

«У мэтах стрымлівання росту тарыфаў на электрычную энэргію для спажыўцоў рэальнага сектара эканомікі, звязанага са змяненнем курсу даляра, зніжэня кошту прыроднага газу для энэргазабеспячальных арганізацый каэфіцыенты індэксацыі на электрычную энэргію перагледжаны ў бок паніжэння. Каэфіцыент індэксацыі па электрычнай энэргіі вызначаны на ўзроўні 0,76 супраць раней дзеючага 0,81», - растлумачылі ў МАРГ.

Цэны прадуктаў будуць пазначаны за кілаграм і літр

З 1 студзеня да 30 чэрвеня МАРГ рэкамендаваў прадаўцам на цэнніках прадуктаў, намінальная колькасць якіх не роўна цэламу кілаграму або літру, нароўні з коштам тавару ўказваць таксама разлік кошту за 1 кг (л) або за 100 г (мл). З 1 ліпеня такія патрабаванні да афармлення цэннікаў стануць абавязковымі.

Змяняецца парадак забеспячэння інвалідаў III групы тэхнічнымі сродкамі сацрэабілітацыі

У адпаведнасці з указам ад 15 чэрвеня 2017 года №211 «Аб удасканаленні парадку выдавання дзяржаўнай адраснай сацыяльнай дапамогі» будзе створана адзіная сістэма забеспячэння асобных катэгорый грамадзян тэхнічнымі сродкамі сацыяльнай рэабілітацыі. Так, інваліды III групы і дзеці, якія маюць патрэбу ў сродках рэабілітацыі, надзяляюцца правам льготнага забеспячэння такімі сродкамі.

У сувязі з гэтым з сістэмы дзяржаўнай адраснай сацыяльнай дапамогі (ДАСД) выключаецца сацыяльная дапамога на аплату тэхнічных сродкаў сацрэабілітацыі. Новы механізм значна паскорыць атрыманне неабходных сродкаў рэабілітацыі.

Некаторыя віды цыгарэт даражэюць

Курцам з кожным месяцам усё даражэй абыходзіцца іх звычка.

З 1 ліпеня падаражэюць шматлікія маркі цыгарэт гарадзенскай тытунёвай фабрыкі «Нёман». Да прыкладу, Кронан, Кронан 7 падаражэюць да 0,9 рубля, Магнат, Магнат 7, Менск, Менск 7, Прэм'ер, Прэм'ер 7, NZ Black, NZ Gold, Queen Charm, Queen Elegance, Queen Menthol, Solange - да 1,05 рубля, а Vogue Bleue, Vogue Lilas, Vogue Menthe - да 3,1 рубля, паведамляе tut.by са спасылкай на МПЗ.

Вырастуць цэны і на шматлікія маркі цыгарэт кампаніі «Тытунь-інвест». Да прыкладу, Sobranie Compact Gold, Sobranie Golds падаражэюць да 2,7 рубля, Winston Classic, Winston Blue, Winston Super Slims Blue, Winston Super Slims Silver, Winston Super Slims Menthol - да 2,6 рубля.

Падаражаюць таксама некаторыя маркі цыгарэт, якія ўвозіць у Беларусь кампанія «Беларусьгандаль». Да прыкладу, Dunhill Blue, Dunhill Gold з 1 ліпеня будуць каштаваць 3,25 рубля, Camel Filters, Camel Blue - да 2,05 рубля, Kent HDi Blue, Kent HDi Silver - да 2,5 рубля.

Беларускім кіроўцам не спатрэбіцца расейскае пасведчання кіроўцы для працы ў РФ

У Расеі з 1 чэрвеня ўвайшоў у дзеянне закон, які забараняе працаваць на тэрыторыі РФ кіроўцам без расейскіх нацыянальных пасведчанняў кіроўцы. Дзеянне гэтага дакумента распаўсюджвалася і на беларусаў, якія атрымалі пасведчанне кіроўцы ў органах МУС Беларусі і працавалі кіроўцамі ў расейскіх кампаніях. Падчас перамоў на ўзроўні прэм'ер-міністраў дзвюх краін дасягнутая дамоўленасць, што беларускім кіроўцам з 1 ліпеня 2017 года можна будзе працаваць з беларускімі пасведчаннямі кіроўцаў у Расейскай Федэрацыі.

Павышаюцца экспартныя мыты на нафту і нафтапрадукты

Стаўка экспартнай мыты на сырую нафту павышана з $80 да $80,9 за 1 т. Мыта на прамагонны бензін павышаны з $44 да $44,4 за 1 т, на таварныя бензіны - з $24 да $24,2 за 1 т. Мыта на лёгкія, сярэднія дыстыляты складзе $24,2 за 1 т (была $ 24).

Такая ж мыта ўстаноўлена ў дачыненні да дызельнага паліва, бензолу, талуолу, ксілолу, змазачных і іншых аліваў.

Школьнікам неабходна абнавіць даведкі для бясплатнага праезду

Па-ранейшаму права бясплатнага праезду ў метро даецца навучэнцам або выхаванцам устаноў агульнай сярэдняй і спецыяльнай адукацыі горада на падставе электроннай карты навучэнца або даведкі з існым тэрмінам дзеяння.

У сувязі з заканчэннем навучальнага года гэтыя дакументы патрабуюць абнаўлення. Акрамя таго, неабходна абнавіць даведкі для праезду на перыяд з 1 ліпеня да 31 жніўня тым навучэнцам (у тым ліку выпускнікам 9-х класаў), якія ўлетку будуць задзейнічаны ў праграмах дадатковай адукацыі дзяцей і моладзі, праграмах выхавання і аздараўлення, а таксама дзецям і падлеткам, якія бяруць удзел у буйнамаштабных масавых мерапрыемствах.