Стала вядома, за што «прыбралі» міністра Каўхуту

Міністр прыродных рэсурсаў і аховы навакольнага асяроддзя Беларусі Андрэй Каўхута адхілены ад пасады.

Пра гэта БелТА паведаміла афіцыйная прадстаўніца Следчага камітэта Юлія Ганчарова.

«Галоўным следчым упраўленнем расследуецца крымінальная справа аб службовым падлогу ў дачыненні да шэрагу службовых асобаў. У якасці падазраванага па гэтай справе прыцягнуты міністр прыродных рэсурсаў і аховы навакольнага асяроддзя Андрэй Каўхута, - праінфармавала Юлія Ганчарова. - Дзеянні службовай асобы кваліфікаваны паводле ч.4 арт.16, ч.1 арт.427 (арганізацыя службовага падлогу) КК РБ».

З падазраваным праводзяцца следчыя дзеянні, мера спынення не ўжывалася. На пастанову следства абраная мера працэсуальнага прымусу - адхіленне ад пасады.