У Венесуэле апазіцыя падвяла вынікі рэферэндуму аб змене ўлады
2- 17.07.2017, 9:06
- 11,145
Больш за сем мільёнаў чалавек узялі ўдзел у неафіцыйным рэферэндуме ў Венесуэле.
Прадстаўнікі апазіцыі Венесуэлы заявілі, што на неафіцыйным рэферэндуме аб змяненні ўлады ў краіне прагаласавалі 7,1 мільёнаў чалавек.
Пра гэта паведамляе Інтэрфакс-Украіна.
На рэферэндум было вынесена пытанне аб тым, ці падтрымліваюць праект змяненняў у Канстытуцыю краіны і склікання ўстаноўчага сходу для гэтай мэты, ініцыяваны прэзідэнтам Нікаласам Мадурам.
Раней Мадура пагадзіўся на правядзенне "народнага рэферэндуму", аднак заклікаў правесці яго мірна і ў спакойнай абстаноўцы. Улады, аднак, папярэдзілі, што вынікі рэферэндуму не будуць мець законнай сілы, бо ён праводзіцца без ухвалення заканадаўцамі.
Разам з тым, як паведаміла агенцтва Associated Press, спасылаючыся на крыніцы з шэрагаў апазіцыянераў, падчас галасавання на чаргу з тых, хто галасуе быў учынены напад невядомых, у выніку загінула паджылая жанчына, некалькі чалавек атрымалі раны.