Саліста Depeche Mode выпісалі з менскай лякарні
5- 18.07.2017, 10:33
- 26,297
Дэйв Гаан зможа выступіць на канцэрце ў Кіеве.
Медыкі кажуць, што ягоны стан здавальняльны. Нагадаем: учора канцэрт легендарнага гурта ў Менску адмянілі праз хваробу саліста Дэйва Гаана.
Лечыўся артыст у 9-й гарадской клінічнай лякарні Менска. Паводле звестак карэспандэнта tut.by, Дэйва Гаана туды накіравалі праз праблемы з страваваннем у панядзелак у 15.30
– Яго ўжо выпісалі. Здавальняльны стан, усё нармальна, – распавёў галоўны лекар лякарні Валерый Кушнярэнка.
Ад чаго менавіта давялося лечыць зорку, дактары не гавораць. Аднак мяркуюць, што на канцэрце ў Кіеве (запланаваны на 19 ліпеня) артыст зможа выступаць.
Ляжаў Дэйв Гаан у аднамясцовай палаце.
– Абсалютна сціплы, нармальны чалавек, – сказаў на заканчэнне лекар.