Анархісты вывесілі банэр «Свабоду Паліенку» на менскім мосце
1- 22.07.2017, 13:33
- 14,977
На знак салідарнасці з палітвязнем на адным з мастоў Менска анархісты вывесілі банэр.
Дзмітрый Паліенка адбывае двухгадовы тэрмін зняволення ў калоніі ў Бабруйску, дзе робіць пальчаткі. Паліенка мае ў калоніі статус «экстрэміста», ён носіць на адзенні жоўтую бірку.
Зміцер Паліенка - былы актывіст Нацыянал-бальшавіцкай партыі, з 2014-га - у анархісцкім руху.
У мінулым годзе падчас велапрабегу «Крытычная маса» паміж Паліенкам і работнікамі ДАІ адбылося сутыкненне, у выніку якога на актывіста завялі крымінальную справу паводле артыкула 364 («гвалт або пагроза ўжывання гвалту ў дачыненні да супрацоўніка органаў унутраных спраў»).
У гэтым годзе ў сакавіку Змітру скасавалі адтэрміноўку адбыцця тэрміну праз палітычную актыўнасць. Ён атрымаў два адміністрацыйныя правапарушэнні за пікет у Курапатах і «Марш недармаедаў».