Як «Пошта Расеі» рабуе людзей

У Растове-на-Доне рыбак на беразе ракі знайшоў ускрытыя ўпакоўкі ад пасылак «Пошты Расеі».

У Растове-на-Доне рыбак Антон Куранкоў выявіў на беразе ракі ўскрытыя ўпакоўкі ад пасылак. У апублікаваным відэа ён распавядае, што жыхары горада і вобласці не атрымалі планшэты і іншую тэхніку, паведамляе «Медуза».

У ліку іншага, ён выявіў упакоўку ад пасылкі, адпраўленую на імя ягонага сябра. Праверыўшы трэкінгавы нумар, ён высветліў, што пасылка пакінула гатункавальны цэнтр у Растове-на-Доне, але да аддзялення таксама не дайшла.

У твітары «Пошты Расеі» гаворыцца, што арганізацыя пачала праверку.