У Вілейскім вадасховішчы вада стала цяплейшай, чым у Чорным моры

У сувязі са жнівеньскай спякотай купальны сезон зрушыўся на апошні месяц лета.

Сапраўды, як можна ўтрымацца ад купання, калі тэмпература вады ў Вілейскім вадасховішчы такая ж, як у Чорным моры. Нават вышэйшая, піша «Рэгіянальная газета».

На вілейскай выратавальнай станцыі распавялі, што вада ў вадасховішчы нагрэлася да 25 градусаў. Для параўнання - сярэдняя тэмпература вады ў Чорным моры склала 24,7 градуса.

На азёрах Мядзельшчыны, са слоў начальніка мясцовай выратавальнай станцыі Дзмітрыя Мялешкі, вада крыху халаднейшая - 20 градусаў.