Паліцыя застрэліла выканаўцу тэракту ў Барселоне
- 21.08.2017, 18:40
- 12,804
Спецаперацыя ў Субіратсе праводзілася ў рамках мерапрыемстваў у затрыманні выканаўцы тэракту ў Барселоне.
Паліцыя Каталоніі падчас спецаперацыі ў населеным пункце Субіратс у правінцыі Барселона застрэліла мужчыну, на целе якога была замацавана прылада, «што па выглядзе нагадвала пояс смяротніка». Пра гэта праваахоўныя органы паведамілі ў панядзелак, 21 жніўня, у Twitter, паведамляе «Нямецкая хваля».
Спецаперацыя праводзілася ў рамках мерапрыемстваў па затрыманні 22-гадовага мараканца Юнуса Абуюакуба - выхадца з Рыполя. Следства мяркуе, што Абуюакуб мог знаходзіцца за стырном фургона, які ўрэзаўся ў натоўп людзей у цэнтры Барселоны 17 жніўня.
Праваахоўныя органы пакуль не ўдакладняюць, якое дачыненне мужчына ў Субіратсе меў да нападу ў Барселоне.
У выніку тэракту на пешаходнай вуліцы Рамбла і спробы тэрарыстычнага нападу ў Камбрыльсе загінулі 14 чалавек, яшчэ блізу 100 былі параненыя.