Школы Магілёва прыдумалі дзіўны графік пачатку заняткаў
8- 22.08.2017, 14:45
- 53,297
Услед за Маладзечнам у Магілёве нестандартна вызначыліся з часам пачатку ўрокаў.
Установы адукацыі Магілёва зменяць у новым навучальным годзе час пачатку заняткаў. Пра гэта паведаміла сёння на пасяджэнні гарвыканкама начальніца ўправы адукацыі, спорту і турызму Ірына Новікава, піша БелТА.
Ва ўстановах адукацыі, якія працуюць у адну змену, заняткі будуць пачынацца а 9.00, у дзве змены - а 8.30.
Там, дзе колькасць навучэнцаў перавышае 1100 чалавек, заняткі будуць пачынацца а 8.15.
«Мы таксама арганізуем працу з дзецьмі, якія будуць прыходзіць у школу ў больш ранні час», - сказала Ірына Новікава.
Нагадаем, што сёння на новы графік заняткаў перайшлі школы Маладзечна.