Уладзімір Вайновіч: Пуцін пацярпеў паразу стратэгічна

На думку пісьменніка Уладзімір Вайновіча, прэзідэнт Расеі Уладзімір Пуцін пацярпеў паразу ў сваёй ролі ў гісторыі.

Расейскі празаік, паэт і драматург Уладзімір Вайновіч параўнаў прэзідэнта РФ Уладзіміра Пуціна з першым кіраўніком СССР Уладзімірам Леніным. Пра гэта ён заявіў у інтэрв'ю "Эху Москвы".

"Ленін быў вельмі здольны тактык. І Пуцін – таксама тактык. Гэтая тактыка выяўляецца ў захопе ўлады і ўтрыманні яе. Вось гэта ўсё, уласна кажучы. І Пуцін – тактычна ён правільна рабіў, калі ён прыйшоў да ўлады і абапіраўся на гэтых старых", – сказаў Вайновіч.

Аднак ён мяркуе, што стратэгічна Пуцін у сваёй будучыні і сваёй ролі ў гісторыі пацярпеў паразу.

"Дзяржаўны дзеяч – калі ў яго досыць розуму і славалюбства таксама – ён павінен глядзець наперад і павінен неяк, калі ён клапоціцца пра сваё месца ў гісторыі, а тут... Увогуле, я так думаю, шчыра кажучы – гэта маё прадказанне, – што ягонае месца ў гісторыі – гэта крах", – адзначыў пісьменнік.

Паводле ягоных словаў, Пуцін трымаецца ва ўладзе "на традыцыі, на страху, на прапагандзе".