Ля рэзідэнцыі прэзідэнта адбылася страляніна

У выніку быў забіты ахоўнік кіраўніка Філіпін.

У філіпінскай сталіцы Маніле адбылася страляніна каля афіцыйнай рэзідэнцыі прэзідэнта Радрыга Дутэртэ, у парку Малакананг. Пра гэта паведамляе тэлеканал CNN Philippines (пераклад - lenta.ru).

У выніку быў забіты ахоўнік філіпінскага лідара.

Прэс-сакратар службы бяспекі кіраўніка дзяржавы Майк Акіна пацвердзіў факт таго, што адбылося, аднак не стаў паведамляць падрабязнасці, удакладніўшы, што найбліжэйшым часам служба бяспекі зробіць афіцыйную заяву.

Адзначаецца, што самога кіраўніка дзяржавы ў той момант, калі ўсчалася страляніна, у рэзідэнцыі не было. У офісе Дутэртэ паведамілі, што праводзіцца расследаванне абставін і прычын таго, што адбылося.

Радрыга Дутэртэ стаў прэзідэнтам у траўні 2016 года. Адразу пасля гэтага ён развязаў у краіне барацьбу з гандлярамі наркотыкаў. Міжнародныя праваабарончыя арганізацыі неаднаразова абвінавачвалі філіпінскага лідара ў стварэнні так званых «эскадронаў смерці», якія ўдзельнічаюць у пазасудовых расправах над падазраванымі ў распаўсюдзе забароненых прэпаратаў.

Паводле апошніх звестак, пасля абрання Дутэртэ кіраўніком дзяржавы ў аперацыях супраць гандляроў наркотыкамі загінулі больш як 7,7 тысячы чалавек, прычым 2,5 тысячы з іх былі забітыя паліцыянтамі.