Летась Украіна забараніла ўезд 1500 замежнікам

У іх ліку - больш за сотню артыстаў і іншых дзеячаў культуры.

У 2017 годзе прыблізна 1500 замежным грамадзянам быў забаронены ўезд ва Украіну праз наведвання паўвострава Крым у парушэнне ўстаноўленага парадку. У іх ліку - больш за сотню артыстаў і іншых дзеячаў культуры, паведамляе «Нямецкая хваля» са спасылкай на прэс-службу ўкраінскай Дзяржаўнай памежнай службы ў суботу, 13 студзеня. За той жа перыяд часу было складзена амаль 2300 адміністрацыйных пратаколаў за парушэнне парадку ўезду і выезду з паўвострава.

Дзяржаўная памежная служба «прадаўжае сістэмна ўжываць захады для выяўлення і прыцягнення да адказнасці асоб, якія наведвалі часова акупаваную тэрыторыю АР (аўтаномнай рэспублікі. - Рэд.) Крым насуперак устаноўленым парадкам". З пачатку 2018 года выяўлена больш за 30 такіх асоб. Акрамя таго, падчас маніторынгу стала вядома, што паўвостраў наведвалі, магчыма, яшчэ больш чым 810 чалавек.

Расея анэксавала ўкраінскі паўвостраў Крым у сакавіку 2014 года. Пасля гэтага Кіеў надаў Крыму статус «часова акупаванай тэрыторыі» і дазволіў замежнікам уезд і выезд з паўвострава толькі праз кантрольныя пункты, размешчаныя на тэрыторыі мацерыковай Украіны, з папярэднім атрыманнем дазволу ад украінскіх уладаў.

Самойлава і Scooter

У жніўні 2017 года пракуратура Крыма, якая пераехала пасля анэксіі ў Кіеў, адкрыла крымінальную вытворчасць у сувязі з незаконнай паездкай нямецкага музычнага гурта Scooter. Музыкі выступалі на фестывалі ў Балаклаве, прыбыўшы на паўвостраў з РФ. Раней у тым жа годзе Кіеў забараніў уезд ва Украіну расейскай спявачцы Юліі Самойлавай, якая раней таксама наведвала Крым у парушэнне ўкраінскага заканадаўства. Праз забарону артыстка не змагла ўзяць удзел у песенным конкурсе «Еўравізія-2017», які праходзіў у Кіеве.