Барыс Пухоўскі: На Еўра 2018 нас ніхто не перасягнуў

Беларускі гандбаліст пракаментаваў вынікі нацыянальнай каманды на Чэмпіянаце Еўропы.

Разыгрываючы нацыянальнай каманды Беларусі ў гандболе Барыс Пухоўскі выказаўся пра гульню каманды на Еўра-2018, піша «Трибуна»:

- Чаго, на ваш погляд, не стае, каб падолець грандаў?

- Калі раней паміж намі была катастрафічная прорва, то цяпер трэба казаць аб невялікіх памылках, якія мы дапускаем. Настолькі наблізіліся да гэтых каманд, што ўсё цяпер пазнаецца ў дробязях. Яны больш дасведчаныя і зрабілі менш памылак. Калі паглядзець матч у запісе, усё выдатна відаць. Ад важнасці моманту мы рабілі больш глупстваў. Але адназначна мы на правільным шляху. Калі гуляем з такімі камандамі, мы нічога не губляем - толькі знаходзім.

- Падолець сербаў у апошнім матчы прынцыпова?

- Мы ў кожным матчы хочам перамагчы. Усё залежыць ад нас. Самі сабе і памочнікі, і ворагі. Робім памылкі і праз гэта саступаем. Не было яшчэ тут аніводнай каманды, якая разабрала б нас тактычна і перасягнула ў нейкіх кампанентах. Мы ўсім даем бой. Але пакуль нас выстарчае на гэта. Справімся з памылкамі - стане лягчэй, і можна будзе, думаю, казаць пра іншыя вынікі.

- Наша каманда прыкметна дадала за год?

- Калі ўзяць сухую статыстыку, то вы самі можаце для сябе вызначыць. Калі раней саступалі французам 15 мячоў, то цяпер думалі, што можам змагацца за балы, і саступілі ў прынцыпе зашмат у такой гульні. Зноў жа - праз свае памылкі. Гэта поле для працы. Калі ты разумееш, дзе яно, працаваць лягчэй. Дурную памылку можна ліквідаваць, папрацаваўшы над ёй. А калі тактычна ты гуляеш няправільна, то саступае многім. Думаю, гэты чэмпіянат стане для нас прадуктыўным. Спадзяемся, што на будучыню будзем гуляць чысцей.

- Як вам турнір у арганізацыйным плане?

- Пабывалі ўжо ў двух гарадах. У Парэччы былі цалкам гандбольная атмасфера і выдатныя ўмовы. У Заграбе выдатная арэна. Можна сказаць, мы ўдзельнічаем у адным з найлепшых чэмпіянатаў у плане арганізацыі. Зручна сачыць і за іншымі матчамі, атрымліваць інфармацыю на сайтах. Паглядзеў амаль усе. Дзівіць настрой лідараў, якія ўжо ўсё здабылі ў сваёй кар'еры, але выходзяць і даводзяць, трымаюць высокі ўзровень. У гэтым плане трэба ў іх павучыцца, - сказаў Пухоўскі.

На Еўра 2018 беларусы перамаглі ў першым матчы Аўстрыю, а затым саступілі Нарвегіі, Францыі, Харватыі і Швэцыі. Наступны матч Беларусь згуляе з Сербіяй (24 студзеня). Гэты матч амаль нічога не вызначае.