Як перавозіць тавары для асабістага карыстання праз мяжу
2- 17.10.2018, 12:03
- 16,613
Колькі тавараў і як часта можна ўвозіць?
Мытня патлумачыла «Витебскому курьеру», як перамяшчаць тавары для асабістага карыстання праз мяжу:
Колькі тавараў і як часта можна ўвозіць?
Пры перасячэнні мяжы часцей, чым раз на тры каляндарныя месяцы, можна ўвозіць тавараў для асабістага карыстання на суму не больш за 300 еўраў і (або) вагой не больш за 20 кг. Пры перасячэнні мяжы з інтэрвалам вялікім, большым за тры месяцы, гэтыя ліміты павялічваюцца да 1500 еўраў і (або) 50 кг адпаведна.
Якая будзе плата за перавышэнне нормаў?
У выпадку перавышэння названых лімітаў трэба будзе заплаціць мыту- 30% ад кошту, але не менш чым 4 еўры за 1 кг у выпадку перавышэння вагавай нормы.
Што да алкаголю і цыгарэт?
Нормы бязмытнага ўвозу алкагольных напояў і піва - 3 л у разліку на адну фізічную асобу, якая дасягнула 18-гадовага ўзросту. Пры перавышэнні гэтай нормы давядзецца аплаціць
10 еўра за кожны 1 літр звыш дазволу трох, максімальна дапушчальны правоз 5 літраў алкагольнай прадукцыі.
Дапускаецца ўвоз 200 цыгарэт, ці 50 цыгар, або 250 г тытуню або ўказаныя вырабы ў асартыменце агульнай вагой не больш за 250 г у разліку на адну фізічную асобу, якая дасягнула 18-гадовага ўзросту.
А гатовыя грашовыя сродкі?
Без дэкларавання дапускаецца перамяшчэнне наяўных грашовых сродкаў у эквіваленце да 10 тысяч даляраў. Улічваюцца гатовыя сродкі ў любой валюце з разліку на аднаго чалавека. Грашовыя сродкі на банкаўскіх рахунках не ўлічваюцца.
Што такое «непадзельны тавар»?
Гэта тавар для асабістага карыстання вагай больш за 35 кг (з улікам упакоўкi), які складаецца з адной адзінкі тавару. Асаблівасць такога тавару ў тым, што нават калі ён перамяшчаецца ў несабраным або разабраным выглядзе (пры ўмовах, што падзел такога тавару немагчыма без змены яго прызначэння), ён расцэньваецца як адзіны тавар.
У дачыненні да іх выкарыстоўваецца адзіная стаўка мыты, падатак: 30% ад кошту, але не менш як 4 еўры за 1 кг вагі.
Як часта можна ўвозіць бытавую тэхніку? Прадукты харчавання?
Раз на тры гады дапускаецца бязмытны ўвоз бытавой тэхнікі (лядоўня, пралка, пліта, мікрахвалеўка, кухонны камбайн і г.д.), электратэхнікі (ноўтбук, планшэт, тэлевізар, ВК-манітор), сантэхнікі.
Раз на два гады можна прывезці з-за мяжы новыя шыны для асабістага аўто: для аўтамабіля 4 штукі, для матацыкла з вазком - 3, без вазка - 2.
У выпадку, калі ў падарожжа вы бераце дарагую тэхніку, рэкамендуецца яе задэклараваць, каб далей яе не аднеслі да набытай за мяжой.
Таксама можна ўвозіць да трох штук букетаў кветак, кожны не больш як з 15 раслін. Для ўвозу насення і кветак у гаршках неабходныя фітасанітарныя сертыфікаты.
Якія абмежаванні на перасоўванне лекавых сродкаў?
Для асабістага ўжывання дапускаецца перамяшчэнне праз мяжу лекаў, якія змяшчаюць псіхатропныя рэчывы, у колькасці не больш за 90 дзённых доз і не болей тыднёвай дозы - для лекаў, якія змяшчаюць наркатычныя прэпараты. Пры гэтым лекі неабходна задэклараваць, а пры сабе неабходна мець рэцэпт або выпіску на іх з медыцынскай карткі. Медыцынскія дакументы павінны быць завераныя асабістай пячаткай і подпісам лекара і змяшчаць звесткі аб найменні лекаў, дозе і патрэбнай пацыенту колькасці на дзень.