У Гомелі - калапс праз прыезд Лукашэнкі

Рух у горадзе абцяжараны.

Пра гэта ў тэлеграм-канале NEXTA напісаў беларускі блогер і журналіст Сцяпан Святлоў.

Гомель, прывітанне! Трымайцеся, засталося ледзь-ледзь.

- Для даведкі. Ужо два тыдні горад жыве ў стане бесперапыннага аўралу да Форуму рэгіёнаў Беларусі і Украіны (25-26 кастрычніка), на якім чакаюць высокіх гасцей, у тым ліку Парашэнку і Лукашэнку.

- Цяжэй за ўсё - у цэнтры, на вул. Савецкай. Другім разам за год (першы - падчас прыезду Лу) там перакладаюць плітку і асфальт (у тым ліку новыя), абнаўляюць разметку. Фарбуюць фасады дамоў, дрэвы і бардзюры; плітку на ходніках робяць у выглядзе арнаменту. У прыватных дамах фарбуюць шыфер, на вулічных ліхтарах праціраюць лямпачкі. Шыфер фарбуюць менавіта ў старых дамах з аўтавышак, проста па моху і бруду, ніхто не зачышчае, то бок, гэтая афарбоўка на месяц. Калі ў дамах жывуць людзі не сталага веку, то прымушаюць фарбаваць самім. Пралятае верталёт над усімі раёнамі і фіксуе ўсе парушэнні, аднаму прадпрымальніку прадпісанне выпісалі за тэрыторыю, што з верталёта дрэнна глядзіцца – каб усё прыбраць або накрыць, далі тыдзень. Перамяшчацца вуліцай наогул немагчыма, усюды працоўныя нешта робяць. Учора зганялі людзей (бюджэтнікаў і студэнтаў) на суботнік, каб яны фарбавалі бардзюры на гэтай вуліцы. На вул. Юбілейнай і шмат дзе яшчэ на слупах павесілі камеры. Садзяць туі вышынёй па 50-70 см у бетонных бочках, каб праз тыдзень прыбраць. Холадна ў лістападзе ўсё ж.

- Пільная ўвага - галоўнаму парку, бо звычайна сустрэча «цароў» праводзіцца ў Палацы Румянцавых-Паскевічаў. У гэты час увесь народ з парку выганяюць і нікога блізка да яго не падпускаюць.

- Пільная ўвага - дарозе ў аэрапорт (да якога да гэтага не было ніякай справы): паклалі новы асфальт, бардзюры і ліўневую каналізацыю - у полі. Процьма народу і спецтэхнікі - вялізныя бабкі $$$.

- У горадзе жудасныя коркі і праблемы з транспартам. Гамельчукі задаюцца пытаннем, ці не лепш перакласці асфальт на вуліцах, якія ў гэтым маюць патрэбу? Ці не лепш пашырыць дарогу там, дзе гэта крытычна неабходна (на вуліцы Сасновай, напрыклад)? Ці не лепш абкласці плітку там, дзе людзі ходзяць па ўтаптанай зямлі? Але пытанні гэтыя рытарычныя. На ўскраінах да дзірак у асфальце і пліткі нікому няма справы ўжо гадоў пяць. Гамельчукі склалі петыцыю супраць гэтага.