РФ спрабавала забараніць АЗХЗ называць вінаватых
3- 20.11.2018, 19:29
- 12,446
Аднак АЗХЗ захавала за сабой права выяўляць вінаватых у хімічных атаках.
Арганізацыя забароны хімічнай зброі (АЗХЗ) можа і надалей выяўляць вінаватых у хімічных атаках. Прапанова Расеі і Кітая пазбавіць арганізацыю гэтых паўнамоцтваў была адхіленая ў аўторак, 20 лістапада, пераважнай большасцю дэлегатаў канферэнцыі краін - удзельніц АЗХЗ у Гаазе, паведамляе DW.
Напярэдадні прадстаўнікі ЗША і Вялікабрытаніі абвінавацілі Маскву ў спробах перашкодзіць барацьбе супраць прымянення хімічнай зброі. Са слоў пастаяннага прадстаўніка ЗША Кенета Уорд, у імкненні схаваць інфармацыю аб тым, што віна за большасць газавых нападаў у Сірыі ляжыць на ўрадзе ў Дамаску, «Расея спрабуе схаваць праўду».
У цяперашні час АЗХЗ працуе над фармаваннем экспэртнай групы, якая павінна ўсталяваць вінаватых ва ўжыванні хімічнай зброі, перш за ўсё ў Сірыі.
Нягледзячы на супраціў Расеі і яе хаўруснікаў, на экстранай сесіі АЗХЗ у чэрвені была прынятая рэзалюцыя, якая дазваляе АЗХЗ называць вінаватых. Да 2017 года адпаведным мандатам валодала група экспэртаў ААН і АЗХЗ, аднак праз тое, што Расея наклала вета пры галасаванні ў Радзе бяспецы ААН, гэты мандат не быў працягнуты.