Больш за 12 тысяч беларусаў запатрабавалі зрабіць 2 студзеня непрацоўным днём

Колькасць незадаволеных пастановай урада хутка расце.

Хутка расце колькасць падпісаных пад петыцыяй аб пераносе працоўнага дня з 2 студзеня.

На поўдзень серады колькасць подпісаў дасягнула амаль 12 з паловай тысяч.

Нагадаем, у тэксце петыцыі гаворыцца:

«Сёлета Міністэрства працы прапанавала зрабіць 2 студзеня 2019 года непрацоўным днём. Ён прыпадае на сераду, і калі 2 студзеня зробяць непрацоўным днём, то беларусаў чакаюць 4 непрацоўныя дні запар - з 30 снежня да 2 студзеня.

Графік пераносаў працоўных дзён і апублікаваны. Урадам прынятая пастанова аб пераносе працоўных дзён у 2019 годзе. Канкрэтныя даты зацверджаны пастановай Урада Рэспублікі Беларусь ад 15 снежня 2018 года №906.

Рада міністраў пастанавіла, што 2 студзеня 2019 непрацоўнага не будзе. Упершыню за шмат гадоў гэты дзень будзе працоўны.

Просім станоўча перагледзець пастанову аб пераносе працоўнага дня з 2 студзеня 2019 года на ўсякую іншую суботу».