Нафта чарговым разам абрынула расейскі рубель
7- 19.12.2018, 16:05
- 23,727
Расейскі рубель знізіўся да мінімуму за пяць тыдняў, а еўра падскочыў да максімуму за тры тыдні.
У панядзелак і аўторак значэнне валютнага кошыка не змянілася, і толькі ў сераду беларускі рубель змог апусціць кошык валют ніжэй на 0,04% дзякуючы моцнай прасадцы курсу расейскага рубля, піша select.by.
Курс даляра вырас на 0,0042 рубля да 2,1304 BYN/USD. Даляр выявіўся на максімуме за 12 дзён пасля чатырох разоў паслядоўнага падаражання, за час якіх ён умацаваўся роўна на 1 капейку.
Курс еўра ірвануў уверх адразу на 0,0140 рубля да 2,4272 BYN/EUR. Еўрапейская валюта даражэе ўжо другі дзень. Сумарны рост склаў 0,0239 рубля. Гэта дазволіла еўравалюце адштурхнуцца ад мінімуму за 24 дні ў панядзелак і да серады выявіцца на максімуме за 20 дзён.
Курс расейскага рубля абрынуўся на 0,0123 рубля да 3,1726 BYN/100 RUB да мінімуму за 35 дзён. Расейскі рубель сёння патаннеў ужо чацвёртым разам запар, сумарна страціўшы за гэты час амаль тры капейкі (-,0295 рубля).
Значнае падзенне коштаў нафты падкасіла расейскі рубель. Ужо другім разам запар Банк Расеі павысіў афіцыйныя курсы даляра і еўра на заўтра:
курс даляра падняўся на 37 капеек да 67,1121 RUB/USD;
курс еўра падскочыў адразу на 70 капеек да 76,4742 RUB/EUR.