Аляксей Навальны распавёў, колькі каштуе гадзіннік Пуціна
15- 17.02.2018, 18:54
- 34,030
Расейскі палітык прадаўжае выкрываць карупцыю ў краіне.
Прэзідэнт Расіі Уладзімір Пуцін задэклараваў за шэсць гадоў 38 млн рублёў ($671 тысячу) заробку. Пры гэтым ягоная калекцыя гадзіннікаў, пра якую можна меркаваць з афіцыйных фота кіраўніка Крамля, ацэньваецца на 36 млн рублёў, паведамляе расейскі апазіцыйны палітык Аляксей Навальны, піша "Гордон".
У відэасюжэце на сваёй старонцы ў YouTube ён адзначае: "Пуцін, мабыць, папрасіў авансам грошы за шэсць гадоў і ўсе іх выдаткаваў на гадзіннікі". Са слоў Навальнага, дэкларацыя аб даходах Пуціна - нахабны і беспардонны дакумент.
Навальны ўзначальвае Фонд барацьбы з карупцыяй, які займаецца расследаваннем фактаў незаконнага ўзбагачэння вышэйшых службовых асоб РФ.
Заробак прэзідэнта Расеі Уладзіміра Пуціна ў 2016 годзе, згодна з ягонай дэкларацыяй, склаў 8 млн 858 тысяч рублёў (прыкладна $156 тысяч)
У Мінфіне ЗША ў 2016 годзе сцвярджалі, што заробак расейскага прэзідэнта не адпавядае яго рэальнаму фінансаваму багаццю, нажытаму дзякуючы карупцыі.