Ганна Гуськова: Як быццам мне пісала ўся Беларусь

Алімпійскую чэмпіёнку ўразіў прыём на радзіме.

Чэмпіёнку Пхенчхана 2018 Ганну Гуськову шакавалі маштабы прыёму яе на радзіме, а Мікалай Казека распавёў, як паліцыянты не пускалі яго аспрэчыць пастанову суддзяў што да Антона Кушніра. Партал tut.by сустрэў у аэрапорце беларускіх фрыстайлістаў, якія першымі вярнуліся з Алімпіяды ў Паўднёвай Карэі.

Новаспечаная алімпійская чэмпіёнка Ганна Гуськова і каманда беларускіх лыжных акрабатаў вярнулася сёння з Алімпійскіх гульняў у Пхенчхане. Як заўсёды ў такіх выпадках прыём у аэрапорце «Мінск-2» прайшоў з помпай. Спартоўцаў сустракалі чыноўнікі з Мінспорту і Нацыянальнага алімпійскага камітэта, вайсковы аркестр, маладыя актывісты БРСМ і прэса. У віп-холе сабралася так шмат людзей, што падступіцца да спартоўцаў было цяжка. Гуськова прарывалася праз натоўп, збірала кветкі, перадавала букеты свайму найбліжэйшаму колу.

- Стан шокавы, - прызналася Ганна. - Нязвыкла, бо столькі людзей прыехала ў аэрапорт сустрэць мяне! Напэўна, яшчэ не веру ў тое, што адбываецца. У маім успрыманні ўсё як звычайна, як быццам і не выступала на Алімпіядзе ў Пхенчхане. З іншага боку, хочацца адпачыць.

- Як? Выйдзеце ў людзі або схаваецца ад усіх?

- Не ведаю...У мяне эмацыянальнае спусташэнне. Не ведаю, ці выберуся ў свет найбліжэйшым месяцам.

- Тое, з чым вы сутыкнуліся, перажылі вашы партнёры з каманды Ала Цупер і Антон Кушнір. Якія парады яны даюць?

- Мы гэта абмяркоўваем, але выдаваць сакрэты не буду. Вядома, калі б побач не было Антона і Алы, хто б мне так дапамагаў? Гэта людзі, на якіх варта раўняцца.

- Вы калі-небудзь атрымлівалі больш кветак, чым сёння?

- Нечакана! Занадта шмат іх. Вельмі прыемна і кранальна, калі збіраецца так шмат людзей, якія табе радыя.

- Хто вас павіншаваў першым з перамогай на Алімпіядзе?

- Бацькі, сябры. А потым як быццам мне пачала пісаць уся Беларусь. Я ў шоку!

- Ці разлічвалі на золата ў Пхенчхане?

- Не, проста хацела выканаць сваю праграму.

Гэта шостым разам, калі галоўны трэнер нацыянальнай каманды Беларусі ў фрыстайле Мікалай Казека вярнуўся ў Беларусь з алімпійскім медалём. Хоць з улікам сочынскага залатога дубля ягоных падапечных Алы Цупер і Антона Кушніра ў актыве трэнера сем алімпійскіх медалёў, чатыры з якіх вышэйшай вартасці.

- Мы паказалі вынік, добрыя скачкі і барацьбу, што выклікае поўнае задавальненне, - падвёў вынікі Пхенчхана 2018 Мікалай Іванавіч. - Спрацавалі максімальна. А як вы ведаеце, залаты медаль - вышэйшая адзнака майстэрства. Асадак застаўся праз тое, што ў наш тып спорту закралася прадузятасць і чорная закулісная барацьба (гаворка пра нядопуск Антона Кушніра ў фінальную частку спаборніцтваў. – Заўвага TUT.BY). Нядобры знак. Але ён толькі пацвярджае тое, наколькі мы прафесійныя.

Недзе прачытаў словы Лёшы Грышына, што ён пайшоў бы адкрываць нагой дзверы ў судзейскую. Дакладна так і было, мы стукаліся да суддзяў! Калі б не паліцыянты, якія заступілі нам шлях, мы б, вядома, туды ўляцелі і маглі нешта зрабіць. Рэзананс у гісторыі выйшаў вялікім! Збольшага дзякуючы нашай маментальнай рэакцыі. Да суддзяў дайшла інфармацыя. Старэйшы суддзя матываваў суддзяў перагледзець пастанову паводле Антона, але яны стаялі на сваім.

- Пра паліцыю вы кажаце ў наўпроставым сэнсе?

- Вядома! Ахоўвалі ўваход у судзейскі пакой.

- Ці будзе Беларусь выступаць за змены крытэрыяў ацэнкі выступу лыжных акрабатаў? І ці ёсць у нас хаўруснікі ў Міжнароднай федэрацыі лыжнага спорту?

- Шмат хаўруснікаў. Правілы - незакасцянелы суб'ект.

- Якія ў вас планы пасля Гульняў?

- Пасля прыезду мы дзелімся ўражаннямі ад мінулай Алімпіяды, праводзім ужо аналіз, а не гаворым на эмоцыях. А наперадзе новы старт - юніёрскі чэмпіянат свету ў Раўбічах, які пройдзе 24 лютага. Ну і адпачываць буду! Пакуль у Менску, а потым адпраўлюся ў Вугоршчыну.

- А якія ўражанні пакінуў Пхенчхан?

- Надта неяк не святочна і шэра. Збоку ад гледачоў. Іх было мала. Не было спартовага драйву, святочнага размаху, як у Ванкуверы ў 2010 годзе і ў Сочы ў 2014-м. Вось там збіралася магутная каляспартовая тусоўка. Кожны дзень праходзіў, як падзея.