Кампартыя Кітая прапанавала скасаваць абмежаванне прэзідэнцкага тэрміну

Сі Цзіньпін займае пасаду кіраўніка дзяржавы з 2012 года.

Кіроўчая Камуністычная партыя Кітая прапанавала скасаваць абмежаванне прэзідэнцкага тэрміну, згодна з якім адна і тая ж асоба можа займаць пасаду прэзідэнта краіны не больш за два тэрміны.

Як паведамляе Xinhua, пра гэта гаворыцца ў прапановах Цэнтральнага камітэта Кампартыі КНР для ўнясення паправак у Канстытуцыю, агучаных у нядзелю, 25 лютага, піша "Новое время".

Гэты крок дазволіць цяперашняму прэзідэнту Кітая Сі Цзіньпіну прадоўжыць прэзідэнцкія паўнамоцтвы пасля 2023 года.

Акрамя таго, Кампартыя прапанавала ўключыць у Канстытуцыю асноўныя каштоўнасці сацыялізму і фразу, якая падкрэслівае кіроўчую ролю партыі.

"Кіроўчая роля КПК з'яўляецца вызначальнай характарыстыкай сацыялізму з кітайскай спецыфікай", – адзначаецца ў прапановах.

Сі Цзіньпін займае пасаду кіраўніка дзяржавы з 2012 года. У 2016 годзе партыя афіцыйна дала яму тытул "асноўнага" лідара.