Жыхар Міншчыны вёз 8,4 тысячы літраў спірту «для асабістых патрэб»

1 680 пластыкавых пяцілітровых ёмістасцяў са спіртам мужчына перавозіў у паўпрычэпе да цягачоў.

Супрацоўнікі Баранавіцкага ГАУС канфіскавалі ў жыхара Менскай вобласці буйную партыю спірту, паведамілі БелТА ва УУС Берасцейскага аблвыканкама.

Супрацоўнікі АБЭЗ Баранавіцкага ГАУС пры ўдзеле ДАІ сёння ўночы праводзілі рэйд. У Менскім раёне недалёка ад вёскі Шчытомірычы яны спынілі аўтамабіль, за стырном якога знаходзіўся 58-гадовы мужчына. У паўпрычэпе да седлавога цягача "Івека" ён перавозіў 1 680 пластыкавых пяцілітровых ёмістасцяў са спіртам. Уладальнік растлумачыў, што груз яму неабходны для асабістых патрэб.

У дачыненні да мужчыны складзены адміністрацыйны пратакол ч 3 арт.12.27 (перасоўванне больш за 5 л спіртаўтрымлівальнай прадукцыі асобай, якая не з'яўляецца індывідуальным прадпрымальнікам, а значыць продаж названай прадукцыі) КоАП. Санкцыя артыкула прадугледжвае накладанне штрафу сумай ад дзесяці да ста базавых адзінак. Таксама парушальнік пазбавіўся 8,4 тысяч літраў спірту.